इंग्लिस प्रिमियर लिगमा चेल्सी शीर्ष स्थानमा उक्लिएको छ।
शनिबार भएको खेलमा न्युकासल युनाइटेडलाई २-० गोलले पराजित गर्दै चेल्सी अंक तालिकाको शीर्ष स्थानमा उक्लिएको हो।
चेल्सीले खेलको दशौं मिनेटमा आत्मघाती गोलको सहयताले अग्रता लिएको थियो।
न्युकासलका फर्नान्डेजले आफ्नै पोस्टमा गोल गरेपछि चेल्सीलाई फाइदा पुगेको थियो।
खेलको ६५ मिनेटमा चेल्सीले अग्रता दोब्बर पार्यो। टिमो वर्नरको पासमा अब्रहामले चेल्सीका लागि दोस्रो गोल गरेका थिए।
जितसँगै चेल्सीले ९ खेलबाट १८ अंक जोडेको छ। एक खेल कम खेलेको दोस्रो स्थानको लेस्टर सिटीको पनि १८ अंक नै छ।
तेस्रो स्थानको टोटेनहम र चौथो स्थानको लिभरपुलको समान १७-१७ अंक छ।
अहिले राति टोटेनहम र म्यानचेस्टर सिटीबीच प्रतिस्पर्धा हुँदैछ।