साफ यू-१७ महिला च्याम्पियसिपको पहिलो खेलमा नेपालले पराजय भोगेको छ।
बुधबार थिम्पूमा भएको खेलमा नेपाललाई भारतले ७-० गोलले पराजित गरेको हो।
भारतका लागि अशिस्ता बस्नेतले १६ र ४१ मिनेटमा तथा निरा चानुले २५ र ५६ मिनेटमा गरी दुई दुई गोल गरे।
यस्तै अनुस्का कुमारीले पनि ३३ र ६२ मिनेटमा गरी दुई गोल गर्न सफल भइन्। यस्तै जुलानले पहिलो हाफको इन्जुरी समयमा एक गोल थपिन्।
प्रतियोगितामा आयोजक भुटान, नेपाल, भारत र बंगलादेश गरी चार टोलीले भाग लिएका छन्।
चार टोलीबीच डबल राउन्ड रोबिनको आधारमा हुने प्रतियोगितामा अंक तालिकाको शीर्ष हुने टोलीले उपाधि जित्नेछ।
प्रतियोगितामा नेपालले सातौं पटक सहभागिता जनाउँदा एक पटक उपाधि जितेको छ। नेपालले सन् २०२२ मा उपाधि जित्न सफल भएको छ।
भारत र बंगलादेशले दुई दुई पटक उपाधि जित्न सफल भएका छन्।
-1742801159.jpg)
-1746009348.jpg)
