सिद्धार्थ बैंक नेपाल प्रिमियर लिगको तेस्रो संस्करणको औपचारिक खेल तालिका सार्वजनिक भएको छ। कात्तिक ९ (अक्टोबर २६) देखि मंसिर ५ (नोभेम्बर २१) सम्म सञ्चालन हुने एनपिएल खेलहरू काठमाडौँस्थित त्रिवि अन्तर्राष्ट्रिय क्रिकेट मैदानमा आयोजना हुनेछन्।
पहिलो खेल कसको र कहिले?
नेपाल प्रिमियर लिगको उद्घाटन खेल अक्टोबर २६ (सोमबार) का दिन आयोजना हुनेछ। उद्घाटन भिडन्तमा लुम्बिनी लायन्स र सुदूरपश्चिम रोयल्स आमनेसामने हुनेछन्, जुन खेल दिउँसो ४:३० बजे सुरु हुनेछ। लुम्बिनी र सुदुरपश्चिम अघिल्लो सिजनको फाइनलिस्ट हुन्। जसमा लुम्बिनीले उपाधि जितेको थियो।
कति दिन र कति वटा खेल हुनेछन्?
• कुल खेल संख्या: प्रतियोगिताभर कुल ३२ वटा खेलहरू (२८ लिग चरण + ४ प्लेअफ/फाइनल) हुनेछन्।
• प्रतियोगिताको अवधि: अक्टोबर २६ देखि नोभेम्बर २१ सम्म जम्मा २७ दिनको अवधि रहनेछ।
• लिग चरण: लिग चरणमा ८ वटा टोलीहरू (लुम्बिनी लायन्स, सुदूरपश्चिम रोयल्स, विराटनगर किङ्स, चितवन राइनोज, कर्णाली याक्स, जनकपुर बोल्ट्स, पोखरा एभेन्जर्स, र काठमाडौं गुर्खाज) बीच कुल २८ वटा खेलहरू खेलिनेछन्।
• विश्राम दिन : लिग चरणमा अक्टोबर ३०, नोभेम्बर ४, नोभेम्बर ८ र नोभेम्बर ११ गरी कुल ४ दिन विश्राम राखिएको छ।
खेलको समय तालिका
• एक खेल मात्र भएको दिन खेल दिउँसो साढे ४ बजे सुरु हुनेछ।
• दुई खेल भएको दिन :
पहिलो खेल: दिउँसो साढे १२ बजे
दोस्रो खेल: दिउँसो साढे ४ बजे
प्लेअफ र फाइनलको तालिका
लिग चरणका उत्कृष्ट ४ टोलीहरू प्लेअफमा प्रवेश गर्नेछन्:
• क्वालिफायर १ : नोभेम्बर १७ (मंगलबार) – शीर्ष दुई टोलीबीच
• एलिमिनेटर नोभेम्बर १८ (बुधबार) – तेस्रो र चौथो टोलीबीच
• क्वालिफायर २ : नोभेम्बर १९ (बिहीबार) – क्वालिफायर १ को उपविजेता र एलिमिनेटरको विजेता बीच
• फाइनल : नोभेम्बर २१ (शनिबार)
-1765622594.jpg)
-1746009348.jpg)
