जापानको आइची–नागोयामा सम्पन्न २०औँ एसियाली खेलकुदमा कास्य पदक जितेको नेपाली महिला कबड्डी टोलीलाई बुधबार काठमाडौंमा स्वागत गरिएको छ।
प्रतियोगितामा नेपाली महिला कबड्डी टोलीले कास्य पदक जितेको थियो। नेपालले समूह चरणदेखि नै प्रभावशाली प्रदर्शन गरेको थियो। श्रीलंकालाई ३४–२५ ले पराजित गर्दै नेपालले सेमिफाइनलमा स्थान बनाएको थियो।
सेमिफाइनलमा भने नेपाल भारतसँग ४८–२४ ले पराजित भएको थियो। सेमिफाइनलमा पराजित भएपछि नेपालले कास्य पदकमा चित्त बुझाएको हो।
एसियाली खेलकुदमा नेपाली महिला कबड्डी टोलीले लगातार दोस्रो पटक पदक जितेको हो। टोलीको यो उपलब्धिलाई नेपाली कबड्डीको महत्वपूर्ण सफलता मानिएको छ।
कास्य पदक जितेर स्वदेश फर्किएको टोलीलाई खेलकुद क्षेत्रका पदाधिकारी, खेलाडी, प्रशिक्षक तथा शुभेच्छुकहरूले स्वागत गरेका थिए।
टोलीका खेलाडीहरूले पनि एसियाली खेलकुदमा देशका लागि पदक जित्न पाउँदा खुसी लागेको बताएका थिए। उनीहरूले आगामी दिनमा नेपाली कबड्डीलाई अझ बलियो बनाउन निरन्तर मेहनत गर्ने प्रतिबद्धता व्यक्त गरेका छन्।
