फिफा विश्वकप-२०२६ को दोस्रो खेलमा दक्षिण कोरियाले विजयी सुरूवात गरेको छ।
मेक्सिकोको ग्वाडालजारा रंगशालामा शुक्रबार बिहान भएको समूह 'ए' को दोस्रो खेलमा चेक रिपब्लिकलाई २-१ गोलले पराजित गर्दै दक्षिण कोरियाले विजयी सुरूवात गरेको हो।
दक्षिण कोरियाको जितमा ६९ औं मिनेटमा मैदान प्रवेश गरेका ओ ह्युङ क्यु नायक बने। पटक पटकका प्रहार गोल हुन नसक्दा ह्युङ-मिन सनको ठाउँमा प्रशिक्षकले ओ ह्युङलाई मैदान पठाएका थिए।
मैदान प्रवेश गरेको ११ मिनेटमा उनले आफ्नो जिम्मेवारी पूरा गरे। उनैले गरेको गोलले चेक रिपब्लिकविरूद्धको खेल जितायो।
पहिलो हाफमा चेक रिपब्लिकविरूद्ध पूरै हाबी भएको दक्षिण कोरियाले गोल भने गर्न सकेन।
५९ मिनेटमा चेक रिपब्लिकले गोल गरी सुरूवाती अग्रता लिएको थियो।
५९ मिनेटमा चेकका लाडिस्लाव क्रेज्सीले कर्नर बललाई सानदार हेडिङ गरी गोलमा परिणत गरेका थिए।
त्यसको ८ मिनेटमै दक्षिण कोरियाका ह्वाङ इन बियोमले डिबक्समा चेक रिपब्लिकको रक्षापंक्ति तोड्दै बराबरी गोल फर्काएका थिए।
खेल अवधिभर दक्षिण कोरियाबाट चेकविरूद्ध गोलका लागि १५ पटक प्रहार भएको छ। चेकले ८ प्रहार गरेको छ।
दक्षिण कोरियाले दोस्रो खेल जुन १९ मा मेक्सिकोसँग खेल्नेछ।
