पछिल्लो समय समाजमा बलात्कारको घटना बढिरहेको छ। यही बेला बलात्कारकै विषयमा बनेको छोटो फिल्म '२०२०' सार्वजनिक भएको छ। यो फिल्म अमेरिकामा बस्ने नेपाली युवा समूहले तयार पारेका हुन्।
सिद्धार्थ विश्वको लेखन, निर्देशन र सम्पादन रहेको फिल्ममा दिव्य न्यौपाने, ग्रचे गुरुङ, सिद्धार्थ विश्व र लौर घिमिरे प्रमूख भूमिकामा छन्। सामाजिक विषयमा बनेको यो फिल्मले सकारात्मक सन्देश बोकेको निर्देशक विश्व बताउँछन्।
तिम्रो मेरो प्रोडक्सनको ब्यानरमा निर्माण भएको चलचित्रलाई सुमन विश्वले खिचेका हुन्। फिल्ममा गणेश गजमेर र सुवाश सेन्चुरीको संगीत सुन्न सकिन्छ।