दिवाकर भट्टराईको निर्देशनमा बनेको फिल्म 'मायावी' को नयाँ गीत सार्वजनिक गरिएको छ।
सोमबार बेलुका सार्वजनिक 'टलटल टल्कियो' गीतमा एसडी योगी र रेश्मा पुनको स्वर छ।
गीतका शब्द राम अविरल विष्टका हुन्। संगीत एसडी योगीकै छ।
इन्गेजमेन्टको परिवेशमा रहेर निर्माण गरिएको भिडिओलाई कविराज गहतराजले कोरियोग्राफी गरेका छन्।
भिडिओमा फिल्मका शीर्ष कलाकार पल शाह, दीपिका प्रसाईं, करिष्मा श्रेष्ठ, समिम खान फिचर्ड छन्।
निर्देशक दिवाकरकै कथा तथा लेखन रहेको 'मायावी' को निर्माता धुर्वा न्यौपाने, राज कटुवाल, चन्द्र पन्त हुन्।
फिल्म महाशिवरात्रिको अवसर पारेर फागुन १४ गतेदेखि प्रदर्शनमा आउनेछ।
