पूर्वनिर्धारित प्रदर्शन मितिबाट पछि हटेको फिल्म 'बिगुल' ले नयाँ प्रदर्शन मिति घोषणा गरेको छ। माघ ९ गतेको प्रदर्शन स्थगित गरेको फिल्म तीन सातापछि रिलिज हुने भएको हो।
फिल्म फागुन १ गतेदेखि देशब्यापी प्रदर्शनमा आउने भएको कथाकार तथा निर्माता दिनेश कोइरालाले जानकारी दिए।
रमेश कोइरालाको निर्देशनमा बनेको ‘बिगुल’ मा बेनीशा हमाल, नरेन खड्का, नीर शाह, रमेश बुढाथोकी, बिनोद न्यौपाने, शिशिर बाङ्देल, हेमन्त बुढाथोकी, गीता अधिकारी,रबिन्द्र खड्का, मीरा पण्डितलगायत कलाकारहरू मुख्य भूमिकामा छन्।
राजनीतिक खेलवाड, सामाजिक न्याय, पारिवारिक उल्झन, पुस्ताबीच विचारमा मतभेदलगायतको कुरा फिल्मले समेटेको छ। राजनीतिक विकृति र अन्यायविरूद्ध उठ्ने जनआवाजलाई फिल्मको कथा बनाइएको ट्रेलरबाट अनुमान गर्न सकिन्छ।
'बिगुल' काफिया फिल्मस र श्री ब्याकेट्स इन्टरटेन्मेन्टले वितरण गर्दैछ।
शिव ढकालको छायांकन, एनबी महर्जनको द्वन्द्ध निर्देशन, प्रदीप भारद्वाज र मौनता श्रेष्ठको पटकथा र संवाद रहेको फिल्ममा तारा थापा किम्भेको सम्पादन छ।
-1746009348.jpg)
