अभिनेत्री तथा मोडल नम्रता सापकोटाले विवाह गरेकी छन्। बिहीबार सामाजिक सञ्जालमा तस्बिर सार्वजनिक गर्दै उनले विवाहको खबर साझा गरेकी हुन्।
उनले क्याप्सनमा लेखेकी छन्, 'भगवानले जे वाचा गर्नुभएको थियो, त्यो पूरा गर्नुभयो।'
नम्रताले आफ्नो श्रीमानको नाम भने उल्लेख गरेकी छैनन्। काठमाडौस्थित निजी निवासमा ओजस नामक गरेका युवकसँग उनले विवाह गरेको बुझिएको छ। नम्रताले बुधबार साँझ मेहन्दी समारोहको तस्बिर सामाजिक सञ्जालमा पोस्ट गर्दै आफ्नो बैवाहिक जीवन सुरू हुँदैछ भन्ने जानकारी दिएकी थिइन्।
नम्रताले श्रीमानसँगको तस्बिरसहित विवाहको खबर साझा गरेपछि शुभचिन्तक तथा फिल्म क्षेत्रका व्यक्तिहरूले उनलाई बधाई र शुभकामना दिइरहेका छन्।
नम्रताले सन् २०१३ मा फिल्म 'अन्तराल' बाट फिल्मी करिअर थालेकी थिइन्। त्यसयता उनले 'ब्रासलेट', 'छक्का पञ्जा', 'समर लभ', 'नम्बरी सुन' लगायत एक दर्जन हाराहारी फिल्म र दर्जनौं म्युजिक भिडिओमा अभिनय गरेकी छन्।
-1746009348.jpg)
