अभिनेता विपिन कार्कीले शनिबार फेसबुकमा एक तस्बिर साझा गरे। उनको रूप-रङ नै बदलिएको तस्बिरमा विपिनले क्याप्सन लेखेका छन्– पहिरनले मात्र चरित्रको निर्धारण गर्दैन।
पात्रमा प्राण भर्ने अभिनेताका रूपमा परिचित विपिनको यो तस्बिरले यतिबेला धेरैको ध्यान तानेको देखिन्छ। तस्बिरमा रातो रङको जिर्ण ज्याकेटको चेन खुला छ। घुँडातिर च्यातिएको गाढा खैरो पाइन्ट, शरीरभरि जमेको धुलो र केही फोहोर देखिने हुलियाले उनलाई कुनै कठोर भोगाइसँग जुधिरहेको चरित्रका रूपमा प्रस्तुत गरेको छ।
यो तस्बिरलाई लिएर सामाजिक सञ्जालमा धेरैले विपिनको प्रशंसा गरेका छन्। पात्रको तयारीमा उनी कतिसम्म डुब्छन् भन्ने कुरा तस्बिरले देखाउने दर्शक प्रतिक्रिया देखिन्छ।
विपिनले यो तस्बिर कुन फिल्म वा म्युजिक भिडिओको पात्र हो भन्ने खुलाएका छैनन्। यसले अझ उत्सुकता बढाएको छ। आगामी कुनै फिल्ममा विपिन यस्तै पात्रमा देखिन लागेको कतिपयले आँकलन गरेका छन्।
विपिनले जसरी यसअघि पनि फरक–फरक चरित्रमा आफूलाई ढालेर दर्शकको मन जित्दै आएका छन्, यो तस्बिरले समेत उनी अभिनयप्रति कति समर्पित छन् भन्ने देखाउँछ।
विपिन यो वर्ष फिल्म 'ऊनको स्वीटर' मा देखिएका छन्। सुपरहिट यो फिल्म युट्युबमा समेत निकै रूचाइएको छ।
-1746009348.jpg)
