बलिउड अभिनेता ऋतिक रोशन भारतको दोस्रो धनी अभिनेता बनेका छन्। पहिलो नम्बरमा अभिनेता शाहरूख खान छन्।
ऋतिकसँग धेरै सम्पत्ति रहेको खुलासा भएको छ। भारतीय सञ्चारमाध्यमका अनुसार ऋतिकसँग ४१० मिलियन डलर (३४ अर्ब १७ करोड भारू) छ।
उनी एउटा फिल्मको ७५ देखि १०० करोड भारू पारिश्रमिक लिन्छन्।
उनी एक विज्ञापन गरेको १० देखि १२ करोड भारू लिन्छन् भने सामाजिक सञ्जालमार्फत प्रमाेसनल भिडिओ हालेको ४-५ करोड भारू पारिश्रमिक लिन्छन्। उनीसँग आफ्नै कम्पनी छ।
स्पोर्ट वियर क्लोदिङ ब्रान्ड, एचआरएक्सका मालिक हुन् उनी। यो कम्पनीको मूल्य २०० करोड भारू छ। उनका दुइटा पेटहाउस (जनावर राख्ने घर) पनि छन्। एकको मूल्य ९८ करोड भारू छ भने अर्कोको ६७ करोड भारू छ।
उनीसँग ३ करोड भारूको डिजाइनर भ्यानिटी भ्यान छ। उनले अभिनय गरेका फिल्महरू प्रायः हिट छन्। यति बेला उनी फिल्म 'फाइटर' को तयारीमा छन्।
