प्रभास स्टारर फिल्म 'कल्की २८९८ एडी' को सिक्वेलमा दीपिका पादुकोण नहुने भएकी छिन्। निर्माण कम्पनी वैजयन्ती मुभिजले आफ्नो आधिकारिक एक्स ह्याण्डलमा एक पोस्ट गर्दै यसबारे जानकारी दिएको हो।
कम्पनीले सहकार्यबाट छुट्टिने निर्णय भएको बताएको छ।
'फिल्मको पहिलो भाग निर्माण गर्दाको लामो यात्राका बावजुद हामीले सहकार्यको निरन्तरताका लागि सहमति जुटाउन सकेनौं। 'कल्की २८९८ एडी' जस्तो फिल्मलाई पूर्ण प्रतिबद्धता र त्योभन्दा बढी समर्पण चाहिन्छ। हामी उनको भविष्यका कामहरूका लागि शुभकामना व्यक्त गर्दछौं,' कम्पनीले भनेको छ।
नाग अश्विन निर्देशित 'कल्की २८९८ एडी' हालैका समयमा ठूला प्यान–इन्डिया रिलिजमध्ये एक थियो।
फिल्ममा प्रभाससँगै अमिताभ बच्चन, कमल हासन र दीपिका पादुकोणले मुख्य भूमिकामा अभिनय गरेका थिए। दीपिकाले फिल्ममा महत्वपूर्ण भूमिका निभाएकी थिइन्, जसको चरित्र फिल्मको केन्द्रीय द्वन्द्वसँग जोडिएको थियो।
अब फिल्मबाट उनी बाहिरिएपछि कथाको निरन्तरता कसरी हुन्छ? निर्माताहरू कसरी अगाडि बढ्नेछन् भन्ने प्रश्न खडा गरेको छ।
-1758107792.jpg)
-1746009348.jpg)
