दक्षिण भारतीय सुपरस्टार प्रभास अभिनीत फिल्म 'द राजा साब' को दोस्रो गीत 'सहाना सहाना' सार्वजनिक भएको छ।
टी–सिरिज युट्युबमार्फत यो प्रेमिल गीत सार्वजनिक गरिएको हो। गीतले प्रेमको भाव प्रस्तुत गर्छ। सुन्दर दृश्यमा खिचिएको भिडिओमा प्रभास अभिनेत्री निधि अग्रवालसँग रोमान्टिक देखिएका छन्।
यस गीतलाई प्रसिद्ध संगीतकार थमन एसले संगीतबद्ध गरेका छन्। गीतका शब्द कृष्णा कान्थले लेखेका हुन्। विशाल मिश्रा, थमन एस, श्रुति रञ्जनीले गीतमा स्वर दिएका छन्। गीत विभिन्न भाषामा सार्वजनिक छ।
मारूतीद्वारा लिखित र निर्देशित तेलुगु भाषाको 'द राजा साब' रोमान्टिक-हरर कमेडी फिल्म हो। यसमा प्रभास र निधिसहित सञ्जय दत्त, बोमन इरानी, मालविका मोहनन, रिद्धि कुमार, जरिना वहाबलगायतको अभिनय छ।
'द राजा साब' ९ जनवरी २०२६ मा विश्वव्यापी प्रदर्शनमा आउने तयारी छ।
-1746009348.jpg)
