साउथ स्टार प्रभास अभिनीत फिल्म 'द राजा साब' को प्रदर्शन निराशाजनक देखिएको छ।
प्रभासको स्टार पावरले राम्रो व्यापार गर्ने अपेक्षा गरिए पनि फिल्मको प्रदर्शन निराशाजनक भएको हो।
ट्रेड वेबसाइट स्याक्निल्कका अनुसार फिल्मले रिलिजको ९ औं दिन शनिबार भारतमा २ करोड ८६ लाख भारू कमाएको छ।
बिदाको दिन फिल्मको यो कमाइ निराशाजनक मानिएको छ। फिल्मको सबभन्दा ठूलो एक दिनको कमाइ ५३ करोड ७५ लाख भारू थियो। यो कमाइ सुरूआती दिनको थियो।
पहिलो दिन राम्रो ओपनिङ पाए पनि दर्शकको चासो कायम रहन नसक्दा फिल्मको व्यापारमा निरन्तर गिरावट आउँदै गएको भारतीय संचारमाध्यमले जनाएका छन्।
९ औं दिनसम्ममा भारतमा फिल्मको कमाइ कुल १ सय ३६ करोड ७५ लाख भारू पुगेको छ।
फिल्मले समीक्षक र दर्शक दुवैबाट मिश्रित प्रतिक्रिया पाइरहेको छ। मारूति निर्देशित रोमान्टिक, हरर, कमेडी 'द राजा साब' मा प्रभाससहित सञ्जय दत्त, बोमन इरानी, मालविका मोहनन, निधि अग्रवाल, रिद्धि कुमार, जरिना वहाबलगायत कलाकारहरूको अभिनय छ।
'द राजा साब' नेपालमा समेत प्रदर्शन भइरहेको छ। नेपालमा फिल्मले कति कमायो? बक्स अफिस विवरण सोमबार सार्वजनिक हुनेछ।
-1746009348.jpg)
