साउथ स्टार प्रभास अभिनीत फिल्म 'द राजा साब' ले नेपालमा १ करोड ६२ लाख ६४ हजार ५६२ रूपैयाँ ग्रस कमाइ गरेको छ।
पुस २५ गतेदेखि प्रदर्शनमा आएको फिल्मले माघ ३ गते शनिबारसम्म सिनेपा: बक्सअफिसमा उक्त कमाइ गरेको हो।
यो अवधिमा फिल्मको ५० हजार ४२४ वटा टिकट बिक्री भएको चलचित्र विकास बोर्डले सोमबार सार्वजनिक गरेको विवरणमा उल्लेख छ।
मारूति निर्देशित रोमान्टिक, हरर, कमेडी 'द राजा साब' ले भारतमा कमजोर व्यापार गरेको छ। रिलिजअघिको हाइपअनुसार नेपालमा पनि फिल्मको व्यापार कमजोर मानिएको छ।
'द राजा साब' मा प्रभाससहित सञ्जय दत्त, बोमन इरानी, मालविका मोहनन, निधि अग्रवाल, रिद्धि कुमार, जरिना वहाबलगायत कलाकारहरूको अभिनय छ।
-1746009348.jpg)
