यशराज फिल्मस्ले आफ्नो स्पाइ युनिभर्सको बहुप्रतिक्षित फिल्म 'अल्फा' लाई सिधै ओटिटी प्लेटफर्ममा रिलिज गर्ने प्रस्ताव अस्वीकार गरेको छ। निर्माताले नेटफ्लिक्सको सम्झौता प्रस्ताव अस्वीकार गरेका हुन्।
भेराइटी इण्डियाको रिपोर्ट अनुसार नेटफ्लिक्सबाट २१५ करोड भारूको स्ट्रिमिङ सम्झौता प्रस्ताव आएको थियो। जस अन्तर्गत फिल्म हलमा प्रदर्शन नभई सिधै ओटिटी प्लेटफर्ममा रिलिज हुने थियो। तर निर्माण कम्पनीले उक्त प्रस्ताव अस्वीकार गर्दै फिल्मलाई सिनेमा हलमै प्रदर्शनमा ल्याउने निर्णय गरेका हुन्।
'अल्फा' मा आलिया भट्ट र शर्वरी मुख्य भूमिकामा छन्। फिल्मको निर्देशन शिव रवैलले गरेका हुन् भने निर्माता आदित्य चोपडा हुन्।
यशराज फिल्मस्का प्रवक्ताहरूले सिनेमा अनुभवलाई प्राथमिकता दिने र दर्शकले ठूलो स्क्रिनमा फिल्मको मजा लिन पाउने सन्देश दिएका छन्।
फिल्मको रिलिज मिति १७ अप्रिल, २०२६ मा तय गरिएको छ। सोही दिन सलमान खानको फिल्म 'ब्याटल अफ गलवान' पनि रिलिज हुँदैछ।
-1746009348.jpg)
