अजय देवगन स्टारर 'दृश्यम: द कन्क्लुजन'बाट अक्टोबरको भारतीय फिल्म रिलिज सुरू हुँदैछ।
यो महिना हिन्दीमा प्रदर्शन हुने फिल्मको सूचीमा 'दृश्यम ३'देखि रजनीकान्तको 'जेलर २', विजय देवरकोन्डा-रश्मिका मन्दनाको 'रणबाली'सम्म छन्। यीमध्ये केही फिल्म नेपालमा पनि प्रदर्शन हुँदैछन्।
'दृश्यमः द कन्क्लुजन' शुक्रबारदेखि नेपालमा समेत प्रदर्शन तयारीमा छ।
अक्टोबर २ मा 'दृश्यम ३'सहित 'प्रेम कीटाणु' र 'डोरेमोन द मूवीः न्यू नोबिता एन्ड द क्यासल अफ द अन्डरसी डेभिल' रिलिज हुनेछन्। 'दृश्यम ३'मा अजय देवगन, तब्बु र जयदीप अहलावत मुख्य भूमिकामा छन् भने 'प्रेम कीटाणु' मलयालम हिट ‘प्रेमलु’को हिन्दी रिमेक हो। 'डोरेमोन' भने हिन्दी डबमा आउने एनिमेसन फिल्म हो।
अक्टोबर ९ मा आयुष्मान खुराना र सारा अली खानको 'उडता तीर' आउनेछ। अक्टोबर १५ मा रजनीकान्तको 'जेलर २' प्रदर्शनमा आउँदैछ, जुन तमिल फिल्म हो र हिन्दी डबमा पनि रिलिज हुँदैछ।
अक्टोबर १६ मा 'प्रहार: द उज्ज्वल निकम स्टोरी', 'नई नवेली' र 'रणबाली' रिलिज हुनेछन्। राजकुमार राव अभिनीत 'प्रहार' उज्ज्वल निकमको जीवनमा आधारित कानूनी ड्रामा हो।
यामी गौतमको 'नई नवेली' सुपरनेचुरल-हरर तथा पारिवारिक कमेडी हो भने विजय देवरकोन्डा र रश्मिका मन्दानाको ‘रणबाली’ तेलूगु पिरियड एक्सन-ड्रामा हो। यो फिल्म हिन्दी डबमा पनि आउनेछ।
त्यस्तै, अक्टोबर २३ मा 'पहला प्यार दूसरी बार', 'तुम मेरे हो', 'पायर' र 'काली खेती' रिलिज हुनेछन्।
'पहला प्यार दूसरी बार' रोमान्टिक कमेडी, 'तुम मेरे हो' रोमान्टिक ड्रामा-एक्सन, 'पायर' उत्तराखण्डको हिमाली गाउँको कथा र 'काली खेती' ग्रामीण परिवेशको हरर फिल्म हो।
