चर्चित भारतीय गायक सोनु निगमको काठमाडौं कन्सर्टमा दर्शकले भव्य साथ दिएका छन्।
क्रिसमसको अवसरमा बुधबार बेलुका आयोजित 'सोनु निगम लाइभ इन नेपाल' कन्सर्टमा सोनुले आफ्नो हिट गीतमार्फत नेपाली दर्शक झुमाए।
बौद्धस्थित हायात रिजेन्सी होटलको मैदानमा उनलाई हेर्न र सुन्न हजारौं दर्शक उपस्थित रहे।
७ बजेपछि स्टेज चढेका सोनुले सुरूआतमै आफ्नो सुपरहिट नेपाली गीत 'उकाली ओराली गर्दै' गाए। त्यसपछि आफ्ना चर्चित बलिउड गीत क्रमैसँग प्रस्तुति दिए।
उनले ब्याण्डसहित प्रस्तुति दिँदा हरेक गीतमा दर्शक झुमे। 'अल इज वेल, ये दिल दिवाना, पापा मेरी जान, मुझसे सादी करोगी' जस्ता सुपरहिट गीत उनले गाए।
सोनु बुधबार दिउँसो मात्रै काठमाडौं आएका थिए। नेपाली–टच नेपालले यो कन्सर्ट आयोजना गरेको हो।
