बेलायत निवासी चर्चित कवयित्री शान्ति लिम्बू सेलिङको पाँचौं कविता संग्रह 'थेम्सको लहरमा तमोरको स्पर्श' काठमाडौंमा भव्य कार्यक्रमबीच विमोचन गरिएको छ।
प्रख्यात साहित्यकार खगेन्द्र सङ्ग्रौलाको प्रमुख आतिथ्यमा सम्पन्न उक्त विमोचन समारोहमा चलचित्र निर्देशक नवीन सुब्बा, कवि विमला तुम्खेवा, डा. तुलसी गौतम, समालोचक सुशान्त गुरुङ, गायिका झुमा लिम्बु, तथा आयोजक समितिका अध्यक्ष खिम सेलिङलगायत विविध साहित्यकार, कलाकार र अतिथिहरू उपस्थित थिए।
यो कविता संग्रहले दुई फरक भूगोल र संस्कृतिलाई एकसाथ जोड्छ।
लिम्बू संस्कृतिको उद्गम स्थल तथा पूर्वी नेपालको पाँचथरको ऐतिहासिक तमोर नदी र लन्डनको मुटुबाट बग्ने आधुनिकताको प्रतीक थेम्स नदी।
कवयित्रीले यी दुई नदीका माध्यमबाट मातृभूमि र प्रवासी जीवनबीचको भावनात्मक द्वन्द्व र सांस्कृतिक सम्बन्धलाई सशक्त रूपमा उजागर गरेकी छन्।
संग्रहका कविताहरूले निम्न विषयवस्तुलाई समेट्छन्:
● सांस्कृतिक पहिचान र लिम्बू परम्परा
● प्रवासी अनुभूति र नोस्टाल्जिया
● नारी चेतना र प्रतिरोध
● प्रकृति र मानवीय संवेदना
● गोर्खा भर्तीको पुनर्विचारको माग
