दसैं, तिहार तथा छठ पर्वलाई लक्षित गर्दै बतास एमएडब्लू कमर्सियल भेइकल्स प्रालि (बिएमसिभी)ले भल्भो आइचरका कमर्सियल सवारीसाधन खरिद गर्ने ग्राहकका लागि विशेष योजना सार्वजनिक गरेको छ।
कम्पनीले 'दसैं–तिहार अफर २०८३' अन्तर्गत भल्भो आइचरका एलसिबी, एचसिबी, एचडी तथा स्कुल बस खरिद गर्ने ग्राहकलाई विभिन्न आकर्षक उपहारसँगै विदेश भ्रमणको अवसर दिने जनाएको छ।
असोज १६ गतेदेखि कात्तिक ३० गतेसम्म सञ्चालन हुने योजनाअन्तर्गत ग्राहकले थाइल्यान्ड, दुबई, युरोप तथा कपल युरोप टुरमध्ये विभिन्न विदेश भ्रमणका अवसर प्राप्त गर्नेछन्।
त्यस्तै, आइफोन १८ प्रो म्याक्स, सामसङ एस२५, विभिन्न होम अप्लायन्सेसलगायतका उपहारसमेत प्राप्त गर्न सकिने कम्पनीले जनाएको छ।
कम्पनीका अनुसार खरिद गरिने सवारीको मोडलअनुसार उपहार तथा अफर फरक–फरक हुनेछन्।
यो योजना भल्भो आइचरका एलसिबी, एचसिबी, एचडी तथा स्कुल बस खरिदमा लागू हुनेछ।
दसैं–तिहारलाई नयाँ सुरुवात र भविष्यका लागि योजना बनाउने अवसरका रूपमा लिँदै ग्राहकको व्यावसायिक आवश्यकता तथा चाडपर्वको उत्साहलाई जोड्ने उद्देश्यले योजना ल्याइएको कम्पनीले जनाएको छ।
भल्भो आइचरका कमर्सियल सवारीसाधन नेपाली बजारमा विभिन्न व्यावसायिक प्रयोजनमा प्रयोग हुँदै आएका छन्।
कम्पनीले आफ्ना सवारीसाधनमा इन्धन दक्षता, टिकाउपन, कम सञ्चालन लागत तथा बिक्रीपछिको सेवालाई प्राथमिकता दिँदै आएको जनाएको छ।
बिएमसिभीले नेपालका सातै प्रदेशमा १४ शाखा, ५ डिलर तथा १३२ रिटेलरमार्फत भल्भो आइचरका सवारीसाधनको बिक्री तथा बिक्रीपछिको सेवा उपलब्ध गराउँदै आएको छ।
देशभर फैलिएको आफ्नो नेटवर्कमार्फत ग्राहकलाई व्यवसाय सञ्चालनका क्रममा आवश्यक सेवा तथा सहयोग उपलब्ध गराउने कम्पनीको भनाइ छ।
कम्पनीका अनुसार अफरअन्तर्गत प्राप्त हुने उपहार तथा सुविधा मोडलअनुसार फरक हुनेछन् र ग्राहकले कम्पनीका नियम तथा शर्तहरू पालना गर्नुपर्नेछ।
