मंगलबार नेप्से परिसूचक १.८५ अंकले घटेको छ।
यसदिन नेप्से ०।०९ प्रतिशतले घटेर २०१०.२१ विन्दुमा बन्द भएको छ।
मंगलबारको बजारमा २ अर्ब २९ करोड १६ लाख ४५ हजार ५८५ रूपैयाँको सेयर कारोबार भएको छ।
गत कारोबार दिन अर्थात् साेमबार २ अर्ब ८७ करोड ४७ लाख ५४ हजार ३०५ रूपैयाँको कारोबार भएको थियो।
अघिल्लो दिनको तुलनामा कारोबार रकममा ५८ करोड रूपैयाँ कमी आएको हो।
यस दिन ३१२ वटा धितोपत्रको ६१ लाख ३१ हजार ६२१ कित्ता सेयर किनबेच भएको हो।
मंगलबार १०९ कम्पनीको सेयर मूल्य बढेको छ भने १२७ वटाको घटेको छ। यस्तै, ८ कम्पनीको सेयर मूल्य स्थिर रहेको छ।
यसदिन गुराँस लघुवित्तको सेयर मूल्य सर्वाधिक १० प्रतिशतले बढेको छ। कम्पनीको प्रतिकित्ता मूल्य एक हजार ६३३ रूपैयाँ ५० पैसा कायम भएको छ।
यस्तै, गणपति लघुवित्तको सेयर मूल्य ९.९५ प्रतिशतले बढेर प्रतिकित्ता मूल्य एक हजार ७२ रूपैयाँ पुगेको छ।
ज्योति विकास बैंक बोन्डको मूल्य सर्वाधिक ७.५० प्रतिशतले घटेको छ। उक्त बोन्डको मूल्य ९२५ रूपैयाँ कायम भएको छ।
यस्तै, मनकामना इन्जिनिररिङ हाइड्रोपावरको सेयरमूल्य ५.२८ प्रतिशतले घटेर प्रतिकित्ता मूल्य ३१२ रूपैयाँमा झरेको छ।
मंगलबार गोर्खाज फाइनान्सको सर्वाधिक कारोबार भएको छ।
उक्त कम्पनीको प्रतिकित्ता ८८० रूपैयाँमा १४ करोड ९८ लाख बराबरको सेयर कारोबार भएको हो।
यो मूल्य अघिल्लो दिनको तुलनामा १।१६ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा सर्वोत्तम सिमेन्ट रहेको छ। उक्त कम्पनीको प्रतिकित्ता ९२५ रूपैयाँमा ९ करोड ५७ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये ६ समूहको परिसूचक बढेको छ भने ७ समूहको परिसूचक घटेको छ।
यसदिन लघुवित्त समूहमा लगानीकर्ताको उच्च आकर्षण देखिएको छ। उक्त परिसूचक सर्वाधिक सर्वाधिक १.८९ प्रतिशतले बढेको छ।