समस्याग्रस्त अवस्थामा रहेको नेपाल सेयर मार्केट्स एण्ड फाइनान्स लिमिटेडको व्यवस्थापन समूहको संयोजकमा रोशन कुमार अधिकारी छनोट भएको छन्।
वैकल्पिक उम्मेदवारको रूपमा प्रकाश घिमिरे र गोविन्द प्रसाद शर्मा छनोट भएका हुन्।
छनोटमा परेको मुख्य उम्मेदवार नियुक्तिको लागि आगामी वैशाख २ गतेसम्म राष्ट्र बैंकको वित्तीय संस्था सुपरीवेक्षण विभागमा सम्पर्क राख्न भनिएको छ।
तोकिएको समयमा मुख्य उम्मेदवार सम्पर्कमा नआए योग्यता क्रम अनुसारका वैकल्पिक उम्मेदवारलाई नियुक्ति दिइने उल्लेख छ।
नेपाल सेयर मार्केट्स एण्ड फाइनान्स करिब एक दशकअघि समस्याग्रस्त घोषणा भएको थियो। यस कम्पनीले ४८ करोड १० लाख रूपैयाँ निक्षेप रकम फिर्ता दिनुपर्ने राष्ट्र बैंकको गत पुसको तथ्यांकले देखाउँछ।
कम्पनीबाट २ अर्ब ३४ करोड कर्जा गएको थियो। २३ करोड चुक्ता पुँजी रहेको यस कम्पनीको खराब कर्जा ९८.५२ प्रतिशतसम्म छ।