माछापुच्छ्रे बैंकले न्यू स्मार्ट तलब खाता अन्तर्गत दुर्घटनामा परेर मृत्यु भएका ग्राहकको परिवारलाई दुर्घटना बीमा अन्तर्गतको १० लाख दुर्घटना बीमा रकम भुक्तानी गरेको छ ।
बैंकको आर्दशनगर वीरगञ्ज शाखामा खाता रहेका ग्राहक लालबाबु प्रसाद यादवको मोटरसाइकल दुर्घटनामा मृत्युपछि उनकी श्रीमती शोभा यादवले गरेको दाबी अनुसार वैशाख ३० गते उक्त बीमा रकम श्रीमती यादवलाई हस्तान्तरण गरिएको हो।
बैंकका चिफ बिजनेश अफिसर डिल्लीराम गिरी, मधेश प्रदेश प्रमुख इन्दु शेखर देवकोटा, आदर्शनगर शाखाका शाखा प्रमुख शुसिल थपलियाले उक्त मृत्यु दाबी चेक मृतक यादवकी श्रीमती शोभा यादवलाई हस्तान्तरण गरेका हुन्।
बैंकले न्यू स्मार्ट तलव खाता अन्तर्गत १० लाखको दुर्घटना बीमा, तीन लाखसम्म विभिन्न जटिल रोगको उपचार बीमा, एक लाखसम्म अस्पताल भर्ना एवं औषधि उपचार बीमा सुविधा प्रदान गर्दै आइरहेको छ।
