मंगलबार नेप्से परिसूचक सामान्य अंकले बढेको छ।
नेप्से ४.९० अंकले बढेर २६३९.९१ विन्दुमा बन्द भएको हो।
मंगलबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
अघिल्लो कारोबार दिन ६ अर्ब ४७ करोड रूपैयाँको सेयर कारोबार भएकोमा यसदिन उक्त रकम बढेर ६ अर्ब ९९ करोड रूपैयाँ पुगेको छ।
यसदिन ३४९ वटा धितोपत्रको एक करोड ३६ लाख २४ हजार ८२४ कित्ता सेयर किनबेच भएको हो।
मंगलबार ११८ कम्पनीको सेयरमूल्य बढेको छ भने १३४ वटाको घटेको छ। यस्तै, आठ कम्पनी स्थिर छन्।
यसदिन थ्री स्टार हाइड्रोपावरको मूल्य सर्वाधिक १० प्रतिशतले बढेर प्रतिकित्ता मूल्य ८३१ रूपैयाँ ६० पैसा पुगेको छ।
यस्तै, दोर्दी खोला जलविद्युतको मूल्य ९.३८ प्रतिशतले बढेको छ। उक्त कम्पनीको प्रतिकित्ता मूल्य २८० रूपैयाँ पुगेको छ।
यसैगरी, रसुवागढी हाइड्रोपावरको मूल्य सर्वाधिक ६.०९ प्रतिशतले घटेर प्रति कित्ता मूल्य २७६ रूपैयाँ १० पैसामा झरेको छ।
मंगलबार राधी विद्युत कम्पनीको सर्वाधिक कारोबार भएको छ।
उक्त कम्पनीको प्रतिकित्ता ८१९ रूपैयाँमा ५४ करोड ५६ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा एसवाई प्यानल रहेको छ। उक्त कम्पनीको एक हजार ४१० रूपैयाँ १० पैसामा ३४ करोड ८१ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये ६ समूहको परिसूचक घटेको छ भने बाँकी सात समूहको परिसूचक बढेको छ।
यसमध्ये जलविद्युत समूहको परिसूचक सर्वाधिक १.०२ प्रतिशतले बढेको छ।
-1746009348.jpg)
