शुक्रबार नेप्से परिसूचक सामान्य अंकले बढेको छ।
नेप्से १.५४ अंकले बढेर २७८८.७० विन्दुमा बन्द भएको छ।
नेप्से बढे पनि कारोबार रकम भने अघिल्लो दिनको तुलनामा घटेको छ।
बिहीबार ५ अर्ब ९५ करोड रूपैयाँको कारोबार भएकोमा यसदिन ५ अर्ब २७ करोड रूपैयाँको कारोबार भएको छ।
यसदिन ३५१ वटा धितोपत्रको एक करोड २१ लाख ७४ हजार ५१६ कित्ता सेयर किनबेच भएको हो।
शुक्रबार ८७ कम्पनीको सेयर मूल्य बढेको छ भने १६८ वटाको घटेको छ। यस्तै, १४ कम्पनी स्थिर छन्।
यसदिन पाल्पा सिमेन्ट, शिखर पावर र माइखोला हाइड्रोपावरमा सकारात्मक सर्किट लागेको छ।
उक्त कम्पनीहरूको सेयर मूल्य १५ प्रतिशतका दरले बढेर प्रतिकित्ता मूल्य क्रमशः ९७१ रूपैयाँ ४० पैसा, ९२० रूपैयाँ १० पैसा र ७२४ रूपैयाँ ५० पैसा पुगेको छ।
सर्वाधिक मूल्य घट्नेमा मेन्छायम हाइड्रोपावर रहेको छ।
उक्त कम्पनीको मूल्य ३.५० प्रतिशतले घटेर प्रति कित्ता मूल्य ३५० रूपैयाँ ३० पैसामा झरेको छ
यसैगरी, एनआएसी एसिया फेक्सी क्याप फण्डको मूल्य ३.१६ प्रतिशतले घटेर प्रति इकाइ मूल्य ९ रूपैयाँ २० पैसामा सीमित भएको छ।
शुक्रबार रिडी पावरको सर्वाधिक कारोबार भएको छ।
उक्त कम्पनीको ३६२ रूपैयाँमा २७ करोड ३८ लाख रूपैयाँको कारोबार भएको छ।
यो मूल्य अघिल्लो दिनको तुलनामा १.२६ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा रिलायन्स स्पिनिङ मिल्स रहेको छ। उक्त कम्पनीको चार हजार २२० रूपैयाँमा २४ करोड ९२ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये ६ समूहको परिसूचक बढेको छ बाँकी सात समूहको परिसूचक घटेको छ।
यसमध्ये अन्य समूहको परिसूचक सर्वाधिक १.०२ प्रतिशतले घटेको छ।
