घरायसी सामग्री ब्रान्ड गोदरेजले कोभिड १९ महामारी लक्षित व्यक्तिगत तथा पारिवारिक सफाइमा उपयोग हुने विभिन्न उत्पादनहरु बजारमा ल्याएको छ।
गोदरेजले नेपाली बजारमा यस्ता वस्तु ल्याइसकेको छ। कोरोना भाइरस महामारीका कारण व्यक्तिगत सफाइप्रति सचेतना बढेको र यही समयमा गुणस्तरीय वस्तु ल्याइएको कम्पनीले जानकारी दिएको छ।
'नयाँ परिस्थितिमा पनि सुरक्षा र सरसफाइको आवश्यकता लाई पुरा गर्न गोदरेज कन्ज्युमर प्रोडक्ट्स लिमिटेड (जीसीपीएल) को गोदरेज प्रोटेक्ट शृंखला बजारमा ल्याएको छ' कम्पनीले भनेको छ।
गोदेरज नेपालका कन्ट्री म्यानेजर आशिस अग्रवालले गोदरेजको नयाँ उत्पादनले उपभोक्ताहरुलाई विद्यमान महामारीले निम्त्याएको जीवनलाई सामना गरेर जिउन मद्दत गर्ने बताए।
व्यक्तिगत, घरायसी र भान्सामा प्रयोगका लागि उपयोगी सामग्रीले कीटाणु, ब्याक्टेरिया र भाइरसबाट ९९ .९९ प्रतिशत सुरक्षा दिने कम्पनीले दाबी गरेको छ।
कम्पनीले स्यानिटाइजर,साबुन,मास्क, बालबालिकाका लागि ह्यान्डवाश लगायतका उत्पादनहरु बजारमा ल्याएको छ।
कम्पनीका उत्पादनहरु यस्ता छन्:
गोदरेज प्रोटेक्टले ९९.९ प्रतिशत किटाणुहरु, भाइरस र व्याक्टेरियालाई रोक्न सक्ने क्षमता राख्ने कम्पनीले दाबी गरेको छ।
प्रोटेक्ट हेल्थ साबुन: एन्टी व्याक्टेरियल र एन्टी फन्गल तत्वहरु मिश्रित भएर बनेको यो साबुनले ९९.९ प्रतिशत किटाणुहरुबाट सुरक्षा दिन्छ । यो साबुन ५० ग्राम र १०० ग्रामको प्याकेटमा उपलब्ध छ।
प्रोटेक्ट इन्स्ट्यान्ट ह्यान्ड स्यानिटाइजर: ६० प्रतिशतभन्दा धेरै अल्कोहलको मात्रा भएको बास्नादार प्रोटेक्ट स्यानिटाइजरले ९९.९ प्रतिशत किटाणुहरुबाट सुरक्षा दिने कम्पनीको दाबी छ। जेलको रुपमा उपलब्ध स्यानिटाइजर ५० मि.लि, १०० मि.लि., ५०० मि.लि. र ५ लि. मा यो पाइन्छ।
प्रोटेक्ट मल्टिपर्पोज डिसइन्फेक्ट लिक्विड: यो व्यक्तिगत र घरेलु प्रयोगको लागि उपयोगि छ। यो सिट्रस र अक्वा जस्ता दुई प्रकारमा उपलब्ध छ ।
प्रोटेक्ट मास्कः छ वटा लेयर भएको यो मास्कले किटाणुसँगै ५ प्रतिशत व्याक्टेरिया, विभन्न हावाका कणहरु लगायत धुलो बाट बच्न मद्दत गर्दछ । यो सानो, मध्यम र ठूलो गरि तीन प्रकारमा उपलब्ध छ।
यस अघि गोदरेजले होम केयर, पसर्नल केयर र हेयर केयरका उत्पादनहरु नेपाली बजारमा उपलब्ध गराउँदै आएको छ ।
उपभोक्ताहरुलाई भाइरसहरुको बारेमा सचेत गराएर बचाउन आवश्यक भएकाले गोदरेजले आफ्ना उत्पादन देशभरि नै पुर्याउने लक्ष्य लिएको छ।
गोदरेजका यी सामग्रीहरु किराना पसल, भाटभटेनी जस्ता डिपार्टमेन्टल स्टोरहरुमा पनि पाइने छन
। अनलाइन माध्यमबाट पनि खरिद गर्न सकिने कम्पनीले जानकारी दिएको छ।
-1746009348.jpg)
