प्रिमियम तथा नवप्रवर्तनशील टायल उत्पादनमा अग्रणी नाम कजारियाले पूर्वी नेपालमा आफ्नो उपस्थिति थप सुदृढ गर्दै विराटनगरको मुनालपथमा नयाँ विशेष सोरूमको भव्य उद्घाटन गरेको छ।
न्यू ज्योति ट्रेडर्स द्वारा सञ्चालित यस सोरूमले विराटनगर तथा आसपासका क्षेत्रमा गुणस्तरीय टायलको बढ्दो मागलाई सम्बोधन गर्ने लक्ष्य राख्दै ग्राहकहरूलाई आधुनिक र आकर्षक खरिद अनुभव प्रदान गर्नेछ।
शुक्रबार सम्पन्न उद्घाटन समारोहमा उद्योग क्षेत्रका प्रतिनिधि, विशिष्ट अतिथि तथा स्थानीय उपभोक्ताहरूको उल्लेखनीय उपस्थिति रहेको थियो।
विराटनगरको केन्द्रमा रणनीतिक रूपमा अवस्थित यस नयाँ सोरूममा कजारियाका प्रिमियम टायलहरूको विस्तृत र सुसज्जित संग्रह प्रदर्शन गरिएको छ।
यहाँ ग्राहकहरूले आवासीय, व्यावसायिक तथा वास्तुकलासम्बन्धी प्रयोजनका लागि उपयुक्त विभिन्न डिजाइनहरू आधुनिक र ग्राहक–मैत्री वातावरणमा अवलोकन तथा छनोट गर्न सक्नेछन्।
कजारिया रमेश टाइल्सले नेपालमै स्थापना गरेको देशकै सबैभन्दा ठूलो टायल उत्पादन उद्योगमार्फत टायल क्षेत्रमा नयाँ मापदण्ड स्थापित गरिसकेको छ।
अत्याधुनिक प्रविधियुक्त यस उद्योगले अन्तर्राष्ट्रिय गुणस्तर कायम गर्दै ३,००० भन्दा बढी डिजाइन विकल्पहरू उपलब्ध गराउँदै आएको छ, जसले आन्तरिक सजावटलाई अझ आकर्षक र दिगो बनाउँछ।
हाल कजारियाले नेपालभर १०० भन्दा बढी सोरूमहरूको सशक्त सञ्जाल विस्तार गरिसकेको छ।
विराटनगर सोरूमको उद्घाटन कजारियाको हरेक क्षेत्रसम्म विश्वस्तरीय टायल पहुँच पुर्याउने लक्ष्यतर्फको अर्को महत्वपूर्ण उपलब्धि हो, जसले नेपालको निर्माण तथा आन्तरिक सजावट उद्योगमा कजारियाको अग्रणी भूमिकालाई थप मजबुत बनाउने विश्वास गरिएको छ।
-1746009348.jpg)
