नेपालबाट अन्तर्राष्ट्रिय बजारमा हुने निर्यातको वृद्धिदर निरन्तर कायम रहेको छ।
चालू आर्थिक वर्षको पहिलो महिना साउनमा करिब २४ अर्ब रूपैयाँ बराबरको निर्यात भएको छ।
यो अघिल्लो वर्षको सोही अवधिको तुलनामा ९६ प्रतिशतले बढी हो। गत वर्ष साउनमा १२ अर्ब ८३ करोड रूपैयाँको निर्यात भएको थियो।
त्यसैगरी, चिनियाँ नाकामा अवरोध भए पनि आयातमा पनि ११ प्रतिशतले वृद्धि भएको छ।
साउन महिनामा कुल १ खर्ब ४३ अर्ब रूपैयाँ बराबरको आयात भएको छ, जुन गत वर्ष साउनमा १ खर्ब २८ अर्ब रूपैयाँ भएको थियो।
यी तथ्यांकहरूका आधारमा, नेपालको समग्र व्यापार घाटा १ खर्ब १९ अर्ब रूपैयाँ पुगेको छ। अघिल्लो वर्षको साउन महिनामा व्यापार घाटा १ खर्ब १६ अर्ब रूपैयाँ थियो।
-1746009348.jpg)
