विश्व बैंक र अन्तर्राष्ट्रिय मुद्रा कोषको वार्षिक बैठकमा भाग लिने क्रममा संयुक्त राज्य अमेरिकामा रहेका अर्थमन्त्री रामेश्वर खनालले बुधबार अमेरिकाको वाणिज्य प्रतिनिधिलगायतसँग छलफल गरेका छन्।
अर्थमन्त्रालयका प्रतिनिधिहरूका अनुसार नेपाल र संयुक्त राज्य अमेरिका बीचको आपसी व्यापार र लगानी प्रवर्द्धन तथा व्यापारिक सुविधा कार्यक्रम (एनटिटिपी) को म्याद थप लगायतका विषयमा छलफल गरिएको छ।
अमेरिकाले २०७२ को भूकम्पपछि नेपालबाट अमेरिका निर्यात हुने विभिन्न वस्तुलाई भन्सार शुल्करहित सुविधा दिएको छ।
त्यसै गरी अमेरिकी स्टेट डिपार्टमेन्टका प्रतिनिधिसँग दुई देशका सम्बन्ध सुदृढका विषयमा छलफल गरिएको छ।
अर्थमन्त्री खनालले साउदी फन्ड र जापान सहयोग नियोग (जाइका) का प्रतिनिधिसँग छुटाछुट्टै भेट गरे। उनले नेपालमा पूर्वाधार र मानव विकासका क्षेत्रमा लगानी बढाउन आग्रह गरे।
साउदी फन्डका प्रतिनिधिले नेपालमा सिंचाई र जलविद्युतमा फन्डको लगानी रहने जानकारी गराए।
जापान सहयोग नियोगका प्रतिनिधिसँग विपी राजमार्ग पुनर्स्थापना, नागढुंगा सुरुङ मार्ग र कोटेश्वर सेक्सन आयोजना छिटो अगाडि बढाउने लगायतका विषयमा छलफल भएको उल्लेख छ।
अर्थ मन्त्री खनालले आजै अन्तर्राष्ट्रिय मुद्रा कोषका एसिया प्रसान्त हेर्ने निर्देशक कृष्णा श्रीनिभासनसँग कोषको सहयोगमा संचालित विस्तारित कर्जा कार्यक्रमको कार्यान्वयनलाई निरन्तरता दिने विषयमा छलफल गरेका छन्।
नेपाल राष्ट्र बैंक ऐनमा गर्नुपर्ने संशोधन, वाणिज्य बैंकहरुको कर्जाको पोर्टफोलियो अध्ययन र वित्तीय स्थायित्व कायम गर्ने विषयमा छलफल गरिएको छ।
1635339834.jpeg)
-1756794700.JPG)
-1746009348.jpg)
