चालु आर्थिक वर्षको पहिलो चार महिनामा (साउनदेखि कात्तिक) महिनामा ६ खर्ब नाै अर्ब बढीको बस्तु आयात भएको छ।
भन्सार विभागको तथ्यांक अनुसार अघिल्लो वर्षको यही अवधिको तुलनामा अहिले करिब एक खर्ब रूपैयाँ बढीको सामान आयात भएको छ।
अघिल्लो वर्ष कात्तिकसम्म पाँच खर्ब १३ अर्ब रूपैयाँको सामान आयात भएकोमा अहिले १८.७१ प्रतिशतले बढेको हो।
अघिल्लो वर्षको तुलनामा आयात उल्लेख्य बढेपनि साउनदेखिअसोजसम्मको वृद्धिदर करिब २० प्रतिशतको रहेकोमा कात्तिकसम्म आइपुग्दा समग्र वृद्धिदर केही कम देखिएको हो।
चार महिनाको अवधिमा निर्यात ७७ प्रतिशतले बढेको छ। गत वर्ष कात्तिकसम्म ५२ अर्ब ६७ करोड रूपैयाँको निर्यात भएको थियो।
यो वर्ष भने ९३ अर्ब ४९ करोड पुगेको छ। साउनदेखि असोजसम्मको वृद्धिदर भने ९० प्रतिशत थियो।
समग्रमा नेपालको अन्तर्राष्ट्रिय व्यापार २४ प्रतिशतले बढेको छ। चार महिनाको अवधिमा सात खर्ब दुई अर्ब बढीको अन्तर्राष्ट्रिय व्यापार भएको छ।
व्यापार घाटा १२ प्रतिशतले बढेको छ। यो अवधिमा पाँच खर्ब १५ अर्ब रूपैयाँको व्यापार घाटा छ। अघिल्लो वर्ष चार खर्ब ६० अर्बको थियो।
कुल व्यापारमा निर्यातको हिस्सा १३ प्रतिशत पुगेको छ। अघिल्लो वर्ष यसै अवधिमा यस्तो हिस्सा नाै प्रतिशत थियो।
व्यापारमा आयातको हिस्सामा पनि केही कमी आएको छ। अहिले आयातको हिस्सा ८६ प्रतिशत छ। अघिल्लो वर्ष ९० प्रतिशत थियो।
-1763886130.jpeg)
-1746009348.jpg)
