चालु आर्थिक वर्षको पाँच महिनाकै अवधिमा नेपालको अन्तर्राष्ट्रिय व्यापार ८ खर्ब ८२ अर्ब माथि पुगेको छ।
भन्सार विभागका अनुसार गत वर्षको यो अवधिको तुलनामा समग्र अन्तर्राष्ट्रिय व्यापार २० प्रतिशतले बढेको छ।
अघिल्लो वर्ष यसै अवधिमा ७ खर्ब ३५ अर्ब रूपैयाँमा बरारबको व्यापार भएको थियो।
चालु वर्षको साउन, भदौ, असोज, कात्तिक र मंसिर महिनामा गरी ७ खर्ब ६६ अर्ब रूपैयाँ बराबरको आयात व्यापार भएको छ।
मासिक औसत आयात एक खर्ब ५३ अर्ब रूपैयाँ छ भने मंसिरको आयात एक खर्ब ५७ अर्ब रूपैयाँको छ।
आयात व्यापार गत वर्षको यही अवधिको तुलनामा १५ प्रतिशतले बढेको छ।
निर्यात व्यापार अघिल्लो वर्षको यही अवधिको तुलनामा ५८ प्रतिशतले बढेको छ।
पाँच महिनाको अवधिमा एक खर्ब १६ अर्ब रूपैयाँ बराबरको निर्यात भएको छ।
पाँच महिनामा औसत मासिक निर्यात २३ अर्ब २ करोड बराबरको छ भने मंसिर महिनाको निर्यात पनि २३ अर्ब रूपैयाँ बराबरको छ।
व्यापार घाटा भने १० प्रतिशलेले बढेको छ। पाँच महिनाको अवधिमा ६ खर्ब ४९ अर्ब रूपैयाँ बराबरको व्यापार घटा भएको छ। अघिल्लो वर्ष ५ खर्ब ८७ अर्ब रूपैयाँको व्यापार घाटा थियो।
-1746009348.jpg)
