चालु आर्थिक वर्ष २०८२/८३ को पाँच महिनामा नेपालको खुद सेवा आय ३६ अर्ब ५४ करोडले घाटामा रहेको छ।
अघिल्लो वर्षको सोही अवधिमा खुद सेवा आय २६ अर्ब ६७ करोडले घाटामा रहेको थियो।
राष्ट्र बैंकको वर्तमान आर्थिक तथा वित्तीय स्थिति प्रतिवेदनअनुसार सेवा खाताअन्तर्गत भ्रमण आय ३.७ प्रतिशतले घटेर ३३ अर्ब ९७ करोडमा सीमित भएको छ।
अघिल्लो वर्षको सोही अवधिमा यस्तो आय ३५ अर्ब २६ करोड रहेको थियो।
सेवा खाताअन्तर्गत भ्रमण ब्यय भने ५.३ प्रतिशतले वृद्धि भई ८८ अर्ब ९७ करोड पुगेको छ। यसमध्ये शिक्षातर्फको ब्यय ५६ अर्ब ५२ करोड रहेको छ।
अघिल्लो वर्षको सोही अवधिमा कुल भ्रमण ब्यय ८४ अर्ब ५० करोड रहेकोमा शिक्षातर्फको ब्यय ४७ अर्ब ४५ करोड थियो।
प्रतिवेदनअनुसार भ्रमण आय घट्दै जानु र भ्रमण ब्यय विशेषगरी शिक्षातर्फ तीव्र रूपमा बढ्नुका कारण सेवा खाताको घाटा थप विस्तार भएको देखिन्छ।
-1746009348.jpg)
