चालु आर्थिक वर्षको ६ महिनामा नेपालले १० खर्ब ८१ अर्ब ४ करोड रूपैयाँ बराबरको वैदेशिक व्यापार गरेको छ।
भन्सार विभागको तथ्यांक अनुसार यो आर्थिक वर्षको सही अवधिको तुलनामा १७.३६ प्रतिशतले बढी हो।
गत आर्थिक वर्षको सोही अवधिमा नेपालले कुल ९ खर्ब २१ अर्ब १५ करोड रूपैयाँको वैदेशिक व्यापार गरेको थियो।
चालु वर्षको ६ महिनामा आयात १४.१८ प्रतिशतले बढेको छ। यो समयमा कुल ९ खर्ब ३९ अर्ब २ करोड रूपैयाँ बराबरको सामान तथा वस्तु आयात गरेको छ।
गत आर्थिक वर्षको सोही अवधिमा नेपालले ८ खर्ब २२ अर्ब ३७ करोड रूपैयाँ बराबरको सामान तथा वस्तु आयात गरेको थियो।
चालु वर्षको ६ महिनामा निर्यात ४३.७६ प्रतिशतले बढेको छ।
यो समयमा नेपालबाट १ खर्ब ४२ अर्ब १ करोड रूपैयाँ बराबरको सामान तथा वस्तु निर्यात गरेको छ।
गत आर्थिक वर्षको सोही अवधिमा नेपालले ९८ अर्ब ७८ करोड ९२ लाख रूपैयाँ बराबरको सामान निर्यात गरेको थियो।
वैदेशिक व्यापार घाटा १०.१५ प्रतिशतले बढेको छ।
चालु आर्थिक वर्षको ६ महिनाको कुल वैदेशिक व्यापार घाटा ७ खर्ब ९७ अर्ब रूपैयाँ छ।
गत आर्थिक वर्षको सोही अवधिको वैदेशिक व्यापार घाटा ७ खर्ब २३ अर्ब रूपैयाँ थियो।
-1746009348.jpg)
