विश्व बैंकले नेपाल फिस्कल ड्यासबोर्ड सार्वजनिक गरेको छ।
बिहीबार विश्व बैंकका प्रतिनिधिले नेपालको सार्वजनिक वित्त व्यवस्थापनसम्बन्धी जानकारी दिने उद्देश्यले उक्त ड्यासबोर्ड सार्वजनिक गरेको हो।
उक्त ड्यासबोर्डमा संघ, प्रदेश र स्थानीय तहसँग सम्बन्धित वित्तीय जानकारी उपलब्ध गराइएको छ।
ड्यासबोर्डमा प्रमुख वित्तीय तथ्यांकलाई एकीकृत र सहज रूपमा प्राप्त गर्न सकिने विश्व बैंकले जनाएको छ।
विश्व बैंकका अनुसार ड्यासबोर्डमा संघ, प्रदेश र स्थानीय तहको आम्दानी, खर्च र वित्तीय व्यवस्थापनसँग सम्बन्धित तथ्यांक उपलब्ध हुनेछ।
उक्त तथ्यांकलाई विभिन्न कोणबाट विश्लेषण पनि गर्न सकिने छ।
सरकार, नागरिक समाज तथा विकास साझेदारहरूसँगको परामर्शपछि ड्यासबोर्ड तयार पारिएको विश्व बैंकले जनाएको छ।
प्रयोगकर्ताले विश्व बैंकको वेबसाइटमा गइ उक्त ड्यासबोर्ड प्रयोग गरी आवश्यक तथ्यांक लिन सक्नेछन्।
ड्यासबोर्डमा विभिन्न आर्थिक वर्षको बजेट, राजस्व, चालु तथा पुँजीगत खर्च तथा वित्तीय व्यवस्थापनसँग सम्बन्धित तथ्यांकको विश्लेषण गर्न सकिन्छ।
राष्ट्रिय योजना आयोगका पूर्वउपाध्यक्ष शिवराज अधिकारीले पनि ड्यासबोर्डको उपयोगिताको सम्बन्धमा धारणा राख्दै यो सरोकारवाला निकाय, नीति निर्माता, अनुसन्धानकर्ता, पत्रकार तथा विद्यार्थीका लागि उपयोग हुने बताए।
विश्व बैंकका सार्वजनिक क्षेत्र विज्ञ यासिहिरो साइतोले उक्त ड्यासबोर्ड धेरैका लागि उपयोगी हुने अपेक्षा गरिएको बताए।
उनले ड्यासबोर्डको म्यानुअल पनि वेबसाइटमा उपलब्ध भएकाले प्रयोगकर्ताका लागि सहज हुने बताए।
उनले आगामी दिनमा थप सुधार गर्दै लैजानु पर्ने भएकोले सरोकारवालाई सुझाव दिन आग्रह गरे।
अर्थमन्त्रालयका उपसचिव हिक्मतबहादुर भण्डारीले यसप्रकारको ड्यासबोर्ड निकै उपयोग भएको उल्लेख गर्दै सरकारले पनि सार्वजनिक वित्त व्यवस्थापनसम्बन्धी ड्यासबोर्ड निर्माणको तयारी गरिरहेको बताए।
उनले अबको एक वर्षभित्रमा उक्त ड्यासबोर्ड तयार भई सार्वजनिक हुनेछ।
ड्यासबोर्ड विश्व बैंकको वेबसाइटमा गएर हेर्न सकिन्छ।
-1746009348.jpg)
