उपप्रधान तथा अर्थमन्त्री स्वर्णिम वाग्लेलेले सीमा क्षेत्रमा हुने साना परिमाणका सामान आयातमा देखिएको कडाइलाई आवश्यक परिमार्जन गरिने बताएका छन्।
मंगलबार प्रतिनिधिसभा अन्तर्गतको अर्थ समितिमा बोल्दै अर्थमन्त्री वाग्लेले १०० रूपैयाँभन्दा बढी मूल्यका सामान ल्याउँदा भन्सार प्रक्रिया लागु हुने व्यवस्था आफ्नो कार्यकालमा सुरू नभएको स्पष्ट पारे।
उनले भने, '१०० भन्दा बढीको सामान ल्याउने काम हाम्रो पालामा आएको होइन, केही बढी कडाइ भयो पनि होला, तर सीमा क्षेत्रका नागरिकको दैनिक जीवनयापनमा असर नपर्ने गरी व्यवस्थालाई थप व्यावहारिक बनाइनेछ।'
अर्थमन्त्री वाग्लेले सरकारले अवैध कारोबार र तस्करी नियन्त्रणमा भने कुनै सम्झौता नगर्ने स्पष्ट पारे।
'त्यो सीमा हामी बढाउँछौं, तर अवैध गतिविधिमा निर्मम हुन्छौं,' उनले भने।
उनका अनुसार सीमावर्ती क्षेत्रमा बसोबास गर्ने नागरिकको दैनिकी सहज बनाउने र वैध व्यापारलाई प्रोत्साहन गर्ने दिशामा सरकार अघि बढ्नेछ।
त्यस्तै, उनले प्रविधिमैत्री सुरक्षा प्रणाली विकासका लागि गृह मन्त्रालयको बजेट उल्लेख्य रूपमा बढाइने जानकारी दिए।
सीमा निगरानी, राजस्व चुहावट नियन्त्रण तथा अवैध गतिविधि रोक्न प्रविधिमा आधारित संयन्त्र विस्तार गरिने उनको भनाइ थियो।
सरकारले आगामी आर्थिक वर्षको बजेटमार्फत सीमा व्यवस्थापन, डिजिटल निगरानी प्रणाली र भन्सार प्रशासनलाई थप सुदृढ बनाउने तयारी गरेको समेत अर्थमन्त्री वाग्लेले बताए।
-ink-1774601888.jpeg)
