एनसेलले नेपाल प्रिमियर लिग (एनपिएल) दोस्रो संस्करणका खेलहरू मोबाइलमै लाइभ स्ट्रिमिङ हेर्न मिल्ने व्यवस्था गर्दै ‘एनपिएल प्ले प्याक’ सार्वजनिक गरेको छ।
डिशहोमसँग सहकार्यमा ल्याइएको यो प्याकमार्फत ग्राहकले डिशहोम गो एपमा सहजै खेल हेर्न सक्नेछन्।
करसहित दुई सय ९९ रूपैयाँमा उपलब्ध यो प्याकमा २८ दिनका लागि १ जिबी डाटा पनि समावेश गरिएको छ।
एनसेल एप, *123# वा नजिकैका खुद्रा विक्रेतामार्फत प्याक खरिद गर्न सकिने कम्पनीले जनाएको छ।
प्याक लिएपछि प्राप्त एसएमएसमार्फत डिशहोम गो एपमा लगइन गरी खेलहरू प्रत्यक्ष हेर्न मिल्नेछ।
कम्पनीका अनुसार एनपिएल खेललाई डिजिटल माध्यमबाट झन् पहुँचयोग्य बनाउन यो सेवा सुरू गरिएको हो।
एनसेल यसपटक पनि ‘पावर्ड बाइ’ साझेदारको रूपमा एनपिएलसँग आवद्ध छ।
-1756446574.jpg)
-1746009348.jpg)
