ओप्पो ए६एक्स स्मार्टफोन अब नेपालमा आधिकारिक रूपमा उपलब्ध भएको छ।
दैनिक प्रयोगलाई लक्षित गर्दै ल्याइएको यो स्मार्टफोनले टिकाउपन, सहज प्रदर्शन र लामो समय टिक्ने ब्याट्री क्षमताको सन्तुलित संयोजन प्रदान गर्ने कम्पनीले जनाएको छ।
भित्री तथा बाहिरी दुवै वातावरणमा सहज रूपमा प्रयोग गर्न मिल्ने व्यावहारिक सुविधाहरू समेटिएकाले यो फोन विभिन्न प्रकारका प्रयोगकर्ताका लागि उपयुक्त हुने अपेक्षा गरिएको छ।
यस डिभाइसमा ६ जिबी ऱ्याम र १२८ जिबी आन्तरिक स्टोरेज उपलब्ध छ भने आइस ब्लू र प्लम पर्पल गरी दुई भिन्न रंगहरूमा बजारमा आएको छ।
६.७५ इन्चको एचडी प्लस अल्ट्रा ब्राइट डिस्प्लेमा १२० हर्ज रिफ्रेस रेट रहेको छ, जसले स्मुथ र स्पष्ट दृश्य अनुभव प्रदान गर्छ।
म्याट फिनिससहितको स्लिक डिजाइनले फोनलाई प्रिमियम लुकका साथै सहज ग्रिप पनि प्रदान गरेको छ।
टिकाउपनलाई ध्यानमा राख्दै यसमा आइपी६४ स्तरको धुलो तथा पानीबाट जोगिने क्षमता समावेश गरिएको कम्पनीको भनाइ छ।
'स्प्ल्यास टच' सुविधाका कारण स्क्रिन भिजेको अवस्थामा पनि सहज रूपमा प्रयोग गर्न सकिन्छ भने ग्लोभ टच सुविधाले पञ्जा लगाएर पनि सहज प्रयोग गर्न सकिने सुविधा प्रदान गर्छ।
ओप्पो ए६एक्स स्न्यापड्रागन ६८५ (६ नानोमिटर) प्रोसेसरबाट सञ्चालित छ, जसले दैनिक रुपमा हुने धेरै कार्य र सामान्य प्रयोगका लागि प्रभावकारी प्रदर्शन दिन्छ।
यसमा युएफएस २.२ स्टोरेज प्रयोग गरिएको छ, जसले डेटा स्थानान्तरण र एप सञ्चालनलाई छिटो बनाउँछ।
कलरओएस १५ मा आधारित यो फोनले सहज र प्रयोगकर्ता–मैत्री अनुभव प्रदान गर्छ।
यसमा आउटडोर मोड २.०, चोरी सुरक्षा तथा ४८ महिनासम्मको फ्लुएन्सी संरक्षण जस्ता अतिरिक्त सुविधाहरू पनि समावेश रहेको कम्पनीले जनाएको छ।
फोनमा ६५०० एमएएच क्षमताको ब्याट्री समावेश गरिएको छ, जसले लामो समयसम्म निरन्तर प्रयोग गर्न सहयोग पुऱ्याउँछ।
यसमा १५ वाट चार्जिङ समर्थनका साथै रिभर्स चार्जिङ सुविधा पनि दिइएको छ, जसमार्फत अन्य उपकरणहरू चार्ज गर्न सकिन्छ।
ओप्पो ए६एक्सको मूल्य ३२ हजार ४९९ रूपैयाँ तोकिएको छ।
सार्वजनिक अफर अन्तर्गत ग्राहकहरूले खरिद गरेको एक महिनाभित्र दुई महिनासम्म मान्य हुने साट्ने सुविधा सहितको ग्यारेन्टी पाउनेछन् र यो अफर असार १० गतेसम्म लागु हुनेछ।
साथै पहिलो ३०० जना खरिदकर्तालाई विशेष ओप्पो फोन स्ट्यान्ड उपहारस्वरूप प्रदान गरिने कम्पनीले जनाएको छ।
यो फोनको सार्वजनिकसँगै ओप्पोले दैनिक जीवनलाई सहज बनाउने व्यावहारिक प्रविधि र विश्वसनीय स्मार्टफोन अनुभव प्रदान गर्ने आफ्नो प्रतिबद्धता निरन्तर अघि बढाएको छ ।
