द ब्रिटिश कलेज (टिबिसी) ले आफ्नो इनक्युबेशन सेन्टरबाट विकसित पहिलो विद्यार्थी–नेतृत्वमा आधारित स्टार्टअप ‘गो दान’ को औपचारिक शुभारम्भ गरेको छ।
नेपालभर सरल र पारदर्शी डिजिटल सहायता सेवा प्रदान गर्ने लक्ष्यसहित तयार गरिएको यो प्लेटफर्म विद्यार्थी अभूषण श्रेष्ठले नेतृत्व गरेका छन्।
शुभारम्भ कार्यक्रममा उनले कठिन समयमा सहयोग पाउन चाहने मानिसका लागि भरोसायोग्य समाधान बनाउने लक्ष्य रहेको बताए।
कार्यक्रममा टिबिसीका विद्यार्थी, शिक्षक तथा नेतृत्वको उपस्थिति थियो।
एकेडेमिक डाइरेक्टर डा. डेक्लन पी. ब्याननले यस सफलताले इनक्युबेशन कार्यक्रमको प्रभावकारिता प्रमाणित गरेको बताए।
संस्थापक समूहका राजेन कँडेलले युवा उद्यमशीलतालाई टिबिसीले निरन्तर सहयोग गर्दै आएको उल्लेख गरे।
गो दानको सुरुआतसँगै टिबिसीले विद्यार्थी उद्यमशीलता र नवप्रवर्तनलाई अझ सशक्त रूपमा अघि बढाउने संकेत दिएको छ।
-1756446574.jpg)
-1746009348.jpg)
