प्रतिनिधि सभाका सभामुख देवराज घिमिरेले सांसदहरू तलब-भत्ता खानमात्र बैठकमा आउँछन् भन्ने आमबुझाइ रहेको बताएका छन्।
आइतबार बसेको कार्यव्यवस्था परामर्श समितिको बैठकमा इ-हाजिरी सुरू गर्नेबारे छलफल भएको छ।
छलफलका क्रममा सभामुख घिमिरेले राष्ट्रिय सभामा भएको इ-हाजिरी प्रतिनिधि सभामा पनि लागू गर्नुपर्ने बताएका हुन्।
उनले भने- संसदमा माननीयहरूको उपस्थिति कमजोर भएको छ। सांसद तलब-भत्ता खानमात्र बैठकमा आउँछन् भन्ने आमबुझाइ छ। दल तथा माननीयज्यूहरूलाई बैठकमा नियमित र प्रभावकारी उपस्थितिका लागि ध्यानाकर्षण गराउँदछु। संसद सचिवालयलाई इ-हाजिरीको तयारी गर्न, राष्ट्रिय सभाको अनुभवबारे अध्ययन गर्न निर्देश गर्दछु।
सभामुख घिमिरेले संसदीय सुनुवाइ समितिमा रहने सदस्यको नाम ३ दिनभित्र बुझाउन पनि दलहरूलाई आग्रह गरेका छन्।
