नेकपा (एमाले) का पोलिटब्युरो सदस्य तथा प्रतिनिधि सभाका सांसद सूर्य थापाले नक्कली भुटानी शरणार्थी प्रकरणमा पक्राउ पुर्जी जारी भएका पार्टी सचिव टोपबहादुर रायमाझीलाई जोगाउन नहुने बताएका छन्।
आइतबार बसेको एमाले संसदीय दलको बैठकमा बोल्दै थापाले पक्राउ पुर्जी जारी भइसकेकाले सांसदसमेत रहेका रायमाझी आफैं प्रहरी सम्पर्कमा आउनुपर्ने नभए पार्टीले ल्याउनुपर्ने धारणा राखेका हुन्।
नक्कली शरणार्थी प्रकरणबारे प्रतिनिधि सभामा बैठकमा सांसदहरूले छानबिनको माग गरेका छन्।
प्रतिनिधि सभाको बैठक संघीय संसद् भवन नयाँ बानेश्वरमा जारी छ।
पक्राउ पुर्जी जारी भएपछि प्रहरीको अनुसन्धानमा सघाउने बताएका रायमाझी अहिले फरार छन्। पक्राउ पुर्जी जारी हुँदा गृहजिल्ला अर्घाखाँचीमा रहेका रायमाझी भैरहवा आएर फरार भएका हुन्।
