जनता समाजवादी पार्टी (जसपा) ले नक्कली शरणार्थी प्रकरणमा मुछिएका सबैलाई कारबाही गर्न माग गरेको छ।
जसपा कार्यकारिणी बैठकले सरकारले गरेको निर्णयको स्वागत गर्दै निष्पक्ष रूपमा छानबिन गर्न समेत सरकारसँग माग गरेको जसपाका प्रवक्ता मनिष सुमनले बताए।
त्यस्तै, जसपाले २\२ पटक संसदबाट पारित भएको नागरिकता विधेयक प्रमाणीकरण गर्न राष्ट्रपतिसँग आग्रह गरेको छ।
जेठ १ गतेदेखि हुने भनिएको विधान महाधिवेशन असार ९ देखि ११ गतेसम्म गर्ने निर्णय समेत जसपाले गरेको छ।
जसपाले प्रदेश १ को नामकरण विरूद्ध जारी आन्दोलनमा भएको दमनको विरोध गरेको छ।
आन्दोलनमाथिको दमन बन्द गरी तत्काल वार्ताबाट समस्याको समाधान खोज्न जसपाले माग गरेको छ।
