सर्लाही क्षेत्र नम्बर ४ मा नेपाली कांग्रेसका उम्मेदवार गगन थापाले पार्टीले समानुपातिकतर्फ प्राप्त गरेको मतभन्दा चार हजार बढी भोट ल्याएको देखिएको छ।
सर्लाही ४ मा १ लाख २१ हजार १२ मतदाता थिए।
यहाँ रास्वपा उम्मेदवार अमरेशकुमार सिंह ३५,६८८ मतसहित विजयी हुँदा कांग्रेस उम्मेदवार रहेका सभापति थापाले जम्मा २२ हजार ८ सय ३१ मत ल्याएका थिए।
कांग्रेसले सर्लाही ४ मा समानुपातिकतर्फ १८ हजार ८१ मत प्राप्त गरेको छ। पार्टीले समानुपातिकतर्फ ल्याएकोभन्दा बढी मत थापाले प्रत्यक्षतर्फ ल्याए। पार्टीले प्राप्त गरेको समानुपातिक मतको तुलनामा थापालाई ४ हजार ७ सय ५० मत बढी गएको देखिन्छ।
तर यहाँ समानुपातिकतर्फ पनि रास्वपा नै पहिलो भएको थियो। रास्वपाले समानुपातिकतर्फ ४५ हजार ५ सय १६ मत ल्याएको छ।
२०७९ को प्रतिनिधि सभा निर्वाचनमा स्वतन्त्र उम्मेदवार अमरेशकुमार सिंह विजयी भएका थिए। उनले त्यसबेल २० हजार १७ मत ल्याएका थिए।
कांग्रेसले तत्कालीन सत्ता गठबन्धनसँग चुनावी तालमेल गरेको थियो। कांग्रेसबाट त्यसबेला नागेन्द्र कुमार उम्मेदवार थिए। उनले १८ हजार २ सय ५२ मत ल्याएका थिए। समानुपातिकतर्फ भने कांग्रेसले १६ हजार २९ मतमात्रै ल्याएको थियो।
पहिलेकोभन्दा यसपालि केही नयाँ मतदाता पनि थपिएका थिए।
-ink-1772682661.jpeg)
-1746009348.jpg)
