राष्ट्रिय स्वतन्त्र पार्टी (रास्वपा) सभापति रवि लामिछानेले शक्ति प्राप्त भएपछि आँखामा आउने पट्टी हटाउनुपर्ने बताएका छन्।
बुधबार ललितपुरको ग्वार्कोस्थित रोयल टुलिप होटलमा जारी नवसांसदहरूको अभिमुखीकरण कार्यक्रममा बोल्दै उनले आफूहरूले गलत कदम उठाए जनताले ३६ दिन पनि नकुर्ने बताएका हुन्।
‘शक्ति प्राप्त गरेपछि आँखामा जुन पट्टी आउँछ, त्यो खोल्नसक्न पर्छ नत्र पूराना दललाई ३४/३५/३६ वर्ष कुरे। तपाई हामीलाई ३६ महिना ३६ दिन पनि कुर्नेवाला छैन। यो कुरा निर्धक्क हुनुहोला। किनकि जनता अब्बल चेतनामा आएको छ,’ उनले भने।
उनले आफूहरूलाई अघिल्लो चुनावमा जनताले नमात्तिउन् भनेर २१ सिट मात्रै दिएको बताए।
‘अघिल्लो चुनावमा हामीलाई २०/२१ सिट होइन दुई तिहाइ दिन सक्थे। तर अघिल्लो चुनावमा जनताले यी नयाँहरूलाई एक पटक हेरौं। ताकि नमात्तिउन् भन्ने गरी मात्रै सिट दिऊ र पूरानालाई सच्चिने अवसर दिने गरी यिनीहरूलाई पनि निमिट्यान्न नपारौं भनेर नागरिकहरूले विवेकपूर्ण ढंगले मतदान गरे। तर नागरिकको विवेकलाई दुई तिहाइ पाएको सरकारले चुनौति दियो,’ उनले भने।
-1746009348.jpg)
