सरकारले प्रधानमन्त्री बालेन शाहका राजनीतिक सल्लाहकार असिम शाह संयोजक रहेको संविधान संशोधन बहस पत्र तयार पार्ने कार्यदलको म्याद थप गरेको छ।
आज बसेको मन्त्रिपरिषद बैठकले संविधान संशोधन बहस पत्र तयार गर्ने कार्यदलको म्याद असार मसान्तसम्म थप गर्ने निर्णय गरेको सरकारका प्रवक्ता सस्मित पोखरेलको भनाइ छ।
त्यस्तै सरकारी तथा सार्वजनिक जग्गा छानबिन एवं संरक्षणसम्बन्धी उच्चस्तरीय आयोग (रावल आयोग) को प्रतिवेदन कार्यान्वयन गर्न भूमि व्यवस्था मन्त्रालयलाई निर्देशन दिने निर्णय पनि भएको छ।
लेखामान बोर्ड अध्यक्षमा सिन्धुपाल्चोकका रमेशकुमार धिताललाई मनोनीत गर्ने निर्णय पनि भएको छ।
