प्रतिनिधि सभाको मन्त्रालयगत बजेट विनियोजन माथि छलफल जारी छ।
सोमबार ८ वटा मन्त्रालयगत बजेट विनियोजन माथि छलफल चलिरहेको छ। सांसदहरुले लगातार धारणा राखिरहेका छन्।
छलफलकै क्रममा नेकपा एमालेकी सांसद यशोदा कुमारी बरालले वर्तमान सरकारले ठूला ठूला नारा बेचको आरोप लगाइन्।
'ग्रेटर नेपालको नक्सा राखेर सामाजिक सञ्जालमा माथि आएर गरिब नेपाली जनताको पीडा बुझिन्छ भन्ने लागेन,' बरालले भनिन्, 'यो सरकारले ठूला ठूला नारा कर्णाली, सुदूरपश्चिम, र मधेशलाई बेचेर तपाईंहरु यो सदनमा ३५ वर्ष पुरानाले के गरे भन्नुहुन्छ। यो विषयवस्तु नल्याउनुपर्ने हो। तपाईं लिफ्टबाट माथि चढ्न खोज्नुभयो हामी भर्याङमा उक्लदैछ छौँ। पुराना र नयाँ कोही छैन। म पनि नयाँ नै हुँ।'
बरालले बोलिरहँदा राष्ट्रिय स्वतन्त्र पार्टीकी सांसद आशिका तामाङले उठेर विरोध गरिन्।
तामाङ उठेपछि साभमुख डोलप्रसाद अर्यालले नियमापत्ति गर्न समय दिए। तर उनले कुन नियम अनुसार नियमापत्ति भनेर सोधेनन्। सभामुख अर्यालले सांसदहरुले सामान्यतया नियमापत्तीका लागि उठे लगत्तै समय दिदैँनन्। नियम सोध्ने गर्छन्। तर तामाङलाई उनले नियम सोधेनन्।
जसै तामाङ उठेर बोल्न सुरु गरिन्। उनी रोष्टममा बोलिरहेकी सांसदलाई हप्काउने शैलीमा प्रस्तुत भइन्।
संसदमा सांसदहरुले धारणा राख्दा सभामुखलाई सम्बोधन गरेर राख्ने गर्छन्।
तर आशिकाले सभामुखलाई सम्बोधन गरिनन्।
सिधा सिधा भनिन् - 'उहाँले जुन बेचेको भन्नुभएको छ, कहाँ बेच्नेको प्रमाण देखाउनुपरो। कसले बेच्यो? यो सरकारले बेचेको प्रमाण छ? के बेचेर भन्नुभएको?
सभामुख अर्यालले उनको नियमापत्तिबारे कुनै टिप्पणी गरेनन्। रोष्टममा भएकी सांसद बराललाई अघि बढ्न भने।
बरालले आशिकाबारे छोटो टिप्पणी गर्दै भनिन् - शिष्टाचार र सम्भता उहाँबाट कायम भयो।
सांसद बरालले बैठकमा होल्डिङ सेन्टरमा भएङ्का सुकुम्बासीहरुले किरा परेको खाना खानुपरेको टिप्पणी गरेकी थिइन्। अनि बजेटले गरिबलाई सम्बोधन नगरेको बताइन्।
