प्रतिपक्षी दल नेकपा एमालेका सांसद राजेन्द्र राईले ९ मन्त्रालयको छलफलमा २ जना मात्रै मन्त्री रहेको भन्दै थप मन्त्री बोलाउन अडान राखेपछि १५ मिनेटका लागि स्थगित प्रतिनिधि सभा बैठक पुन: सुरू भएको छ।
थप मन्त्रीहरू आएपछि बैठक सुरू भएको हो। बैठक सुरू भएपछि सभामुख डोलप्रसाद अर्यालले सांसद राईलाई बोल्न समय दिएका छन्। उनले विधि र प्रतिनिधि सभा नियमावली कार्यान्वयन गर्न आफूले अडान राखेको र बैठक स्थगित हुन पुगेको पनि बताएका थिए। साथै उनले धनकुटामा बजेट नपरेको गुनासो राखेका छन्।
अहिले बैठकमा संघीय मामिला मन्त्री, शिक्षा मन्त्री, सञ्चार मन्त्री, श्रम मन्त्री, पर्यटन मन्त्री, उद्योग मन्त्रीलगायत मन्त्रीहरू आएका छन्।
