नेकपा एमालेका निर्वाचन आयोग प्रमुख विजय सुब्बाले आफू पार्टी निर्माण अभियानमा हारेको बताएका छन्।
सामाजिक सञ्जाल फेसबुकमा स्ट्याटस लेख्दै उनले भएमध्येका र किनारा लगाइएका असल नियतकाहरूलाई पार्टी नेतृत्वमा नलाने हो भने पार्टीको मृत्यु पर्खुपर्ने बताएका छन्।
‘म पार्टी निर्माण अभियानमा त्यसै हारेको होइन। पार्टीलाई जलाइरहेका तमाम गैरकम्युनिस्ट विकृति र विसंगति तत्काल सच्याउनुपर्छ भनेर मुख्य सबै नेताहरूमा कडा रूपमा पटकपटक राखें। पार्टीका विधान महाधिवेशनदेखि लिएर विभिन्न तहका अधिवेशनहरूमा प्रष्ट भाषामा राखें। तर ममाथि पार्टीविरोधी भाषण गरेको भनियो। सच्च्याउनेतर्फ ध्यान जानु त कता हो कता चाकरीबाजहरूको नेता खुसी पार्ने एजेण्डा बनें म ।आखिर सबै समस्या थुप्रिएर यस हालतमा पुगेका छौं। सञ्चारमाध्यमहरूबाट थाहा पाउँदै हुनुहुन्छ नि,’ उनले भनेका छन्, ‘भएमध्येका र किनारा लगाइएका असल नियतकाहरूलाई पार्टी नेतृत्वमा नलाने हो भने पार्टीको मृत्यु पर्खौं।’
नेकपा एमालेभित्र अहिले पुनर्गठनको एजेण्डा पेचिलो बनिरहेको छ।
