नेकपा एमाले पुनर्गठन कार्यदलले शनिबार सुदूरपश्चिम प्रदेशबाट सुझाव संकलन गर्दैछ।
एमालेको सुदूरपश्चिम प्रदेश अन्तर्गत ९ बजेदेखि कार्यदलको बैठक बसेको छ। बैठकलाई अध्यक्ष केपी शर्मा ओलीले जुममार्फत केन्द्रीय सदस्यहरूलाई सम्बोधन गरेका छन्।
यसअघि बागमतीमा भने बैठक सकिएपछि गुण्डुमा बोलाएर छलफल गरे। कोशीमा पनि ओलीले जुममार्फत नै सम्बोधन गरेका थिए।
लुम्बिनीमा पनि जुममार्फत सम्बोधन गरिसकेपछि अरू जिल्ला अध्यक्ष, प्रदेशअन्तर्गतका केन्द्रीय सदस्य र प्रदेशका पदाधिकारीसँग चाहिँ कार्यदलले सुझाव लिएको थियो।
यो कार्यदल रामबहादुर थापा बादल नेतृत्वमा बनेको थियो।
गत जेठ १० गते सकिएको केन्द्रीय सचिवालयको आठौं बैठकले पुनर्गठनसँग सम्बन्धित राय सुझाव तलबाट संकलन गर्नेगरी कार्यदल बनाएको हो।
यसले विस्तृत कार्ययोजना तयार पारेर केन्द्रीय कमिटी बैठकमा पेश गर्नेछ। त्यो भन्दा अगाडि सचिवालय बैठकमा पेस गर्नेछ।
