नेपाली कांग्रेसले आज संस्थापक नेता बिपी कोइरालाको स्मृतिमा ग्रीन रन प्रतियोगिता गर्यो।
युएन पार्कदेखि जाउलाखेलसम्म ५ किमी दौड भएको थियो।
यो प्रतियोगितामा सभापति गगन थापा पनि सहभागी थिए।
५ किमी दौडपछि बोल्दै सभापति थापाले दौडका क्रममा सँगैका साथीले भनेका कुरा सुनाए।
‘आज बिहान हामी सबै जना सँगसँगै दौडियौं, म पनि ५ किलोमिटर एकछिन पनि विराम नगरी दौडिएँ, मसँगै दौडिँदै गरेका एक जना साथीले भन्नुभयो- दाइले पनि दौडिँदै गर्दा ब्रेक नलगाई दौडिनु हुँदो रहेछ। सँगैको अर्को साथीले भन्नुभयो, कुरा एक दम मिलेको छ दाइ, गाडीमा ब्रेक नहुनेले सरकार चलाउने, दौडमा ब्रेक नहुनेले प्रतिपक्ष चलाउने भनेर भन्नुभयो। मैले पनि ठिकै छ यसपालि यस्तै हो भनेँ।’
कांग्रेसले जलवायु सचेतनाका लागि ग्रिन रनलगायत कार्यक्रम गरेको थियो।
