नेपाली कम्युनिस्ट पार्टी (नेकपा)का संयोजक पुष्पकमल दाहाल 'प्रचण्ड'ले पत्रकार किशोर श्रेष्ठलाई पक्राउ गरिनुलाई लोकतन्त्रको उपहास भनेका छन्।
बिहीबार बिहान सामाजिक सञ्जालमार्फत प्रतिक्रिया दिँदै पूर्वप्रधानमन्त्रीसमेत रहेका प्रचण्डले पत्रकार श्रेष्ठलाई पक्राउ गरिएको घटनामा विरोध जनाएका हुन्।
'… किशोर श्रेष्ठलाई समाचार लेखेकै आधारमा निश्चित विधि र प्रक्रिया नअपनाई राज्यद्वारा धरपकड गरिनु लोकतन्त्रको उपहास हो,' प्रचण्डले फेसबुकमा लेखेका छन्।
उनले पत्रकार श्रेष्ठलाई तत्काल रिहा गर्न पनि माग गरेका छन्।
श्रेष्ठलाई काठमाडौं प्रहरी परिसरको टोलीले बुधबार बेलुकी ललितपुरको नख्खुबाट पक्राउ गरेको हो।
उनलाई वैयक्तिक गोपनीयता सम्बन्धी कसुर मुद्दामा पक्राउ गरिएको प्रहरीले जनाएको छ।
श्रेष्ठ जनआस्था साप्ताहिकका अध्यक्ष हुन्।
-1784889080.png)
